Академия «Эразмус+» қорының желісі бойынша Еуропалық одақтың грантына ие болды
Қазақ ұлттық хореография академиясы «Эразмус+» қорының желісі бойынша Еуропалық одақтың грантына ие болды. Грант Академия студенттері мен профессорлық-оқытушылық құрамының Рим қаласының (Италия) Ұлттық би академиясында білім алуын көздейді. Ынтымақтастық туралы келісімге қол қою үшін Академияға Ұлттық би академиясының директоры Мариа Энрика Палмери және «Эразмус» жобасының ұлттық үйлестірушісі профессор Морена Малагутти келді. Оқу бағдарламасы 3 жылға арналған. Осы халықаралық жоба 2019 жылдың қыркүйегінен бастап іске асырылады.
