Қашықтықтан оқыту технологиясы сұрақтары бойынша call-центр номері +7 (7172) 798-570
Қашықтықтан оқыту технологиясы сұрақтары бойынша электронды почта адресі Support@balletacademy.kz
Білім алушыларға, ата-аналарға және оқытушыларға психологиялық қолдау көрсету орталығы телефон номері +7 (7172) 790-848

0211600-Хореографиялық өнер білім беру бағдарламасы 4S0211601-Балет әртісі (4 сынып) біліктілігі бойынша «Қазақ ұлттық хореография академиясы» КАҚ-на оқуға қабылдау шарттары

Академия конкурстық іріктеу жолымен 0211600-Хореографиялық өнер мамандығы 4S0211601 – Балет әртісі біліктілігі (оқыту мерзімі 7 жыл 10 ай)  бойынша 9-10 жастағы балаларға қабылдау өткізеді.

Түсу емтихандары басталмастан бұрын 0211600-Хореографиялық өнер 4S0211601-Балет әртісі (4 сынып) біліктілігі бойынша, оқуға түсушілер алдын ала қараудан өтеді (фотоқаралым), онда арнайы пәндердің жетекші оқытушылары баланың табиғи, кәсіби қабілетін, физикалық дене бітімін бағалайды. Алдын ала қараудан өткен түсушілер түсу емтихандарына қатысуға жіберіледі Академияға білім алушыларды қабылдау табиғи деректері, физикалық дене бітімі бар тұлғаларды айқындау мақсатында конкурстық негізде жүргізіледі.

Алдын ала қараулар (фотоқаралымдар) ақпан мен маусым айларын қоса алғанда жүргізіледі.

Алдын ала қараудан өткендер 20 маусым мен 20 шілде аралығында Қабылдау комиссиясына құжаттарды тапсырады және іріктеуден өтуге рұқсат алады:

  • Баланың ата-анасының (заңды өкілдерінің) іріктеуге жіберу туралы  өтініші;
  • ЖСН көрсетілген (қоса берілген) баланың туу туралы куәлігінің көшірмесі;
  • Медициналық паспорт-түпнұсқа, бекітілген емхананың бас дәрігерімен куәландырылған көшірмесін тапсыруға рұқсат етіледі;
  • Амбулаторлық карта ф.112 (емханадан баланың даму картасы) – түпнұсқа (медициналық тексеруден соң қайтарылады);
  • 086-у нысанды медициналық анықтама (флюорографиялық суретсіз);
  • 3×4 көлеміндегі 2 фотосурет.

Емтихандар 21 – 28 шілде  аралығында үш турдан өтеді және  оқыту тіліне сәйкес қазақ немесе орыс тілі бойынша жазбаша емтихан тапсырылады.   

2020 жылғы қабылдаудың техникалық және кәсіптік білім беру бойынша түсу емтихандарының кестесі

Сынып

Кезең

Оқыту тілі бойынша емтихан

I

II – мед.комиссия

III

4 класс

21.07.2020ж./ сағ.9.00 22.07.2020 ж./сағ.9.00 23.07.2020 ж./ сағ.9.00

25.07.2020 г./ сағ.10.00

I тур – оқуға түсушіні жеке тексеру. Емтихан комиссиясы оқуға түсушінің табиғи дене ерекшелігі мен кәсіби  қасиеттерін келесі критерийлер бойынша анықтайды:

  • дене бітімі (жалпы сипаттама);
  • болашақ әртістің сыртқы келбеті және сахналық келбеті; 
  • аяқтың айналуы;
  • көтерілу;
  • қадам;
  • иілгіштік;
  • секіру;
  • музыкалық естуі, ырғақ (берілген музыкалық ырғақты қайталау).

II тур. Медициналық комиссия үміткердің денсаулық көрсеткіштерінің медициналық талапқа сәйкестігін тексереді және дене бітімінің күйін бағалайды:

  • салмақ пен бойдың арақатынасының оның жасына сәйкестігі;
  • отырған кездегі және тұрған кездегі бойының арақатынасы;
  • дене мүсіні (мүсіннің бұзылуының болмауы);
  • табаны (деформацияның болмауы);
  • көздің көруі (ақаудың болмауы);
  • мамандардың жалпы медициналық тексеруі.

III тур екі кезеңнен тұрады:

1-кезең. Емтихан комиссиясы оқуға түсушінің кәсіби қасиеттерінің болуын  бағалайды. 

2-кезең. Оқуға түсуші ұзақтығы 2 минуттан аспайтын алдын ала дайындалған (таңдауы бойынша) биді орындайды. 

Іріктеудің үш турынан өткен оқуға түсушілер қазақ немесе орыс тілі бойынша емтихан тапсырады. Оқуға түсушілер оқыту тілінде диктант жазады. 

Түсу емтихандарының нәтижелері емтихан өткен күні жарияланады. Түсу емтихандарын бағалау жүйесі:

 

Дәстүрлі бағалау жүйесі Балдық жүйе Қорытынды
Өте жақсы «5» 25 балл  

жарамды

Жақсы «4» 17 -24 балл
Қанағаттанарлық «3» 8-16 балл
Қанағаттанарлықсыз «2» 2 – 7 балл жарамсыз

 

0211600-Хореографиялық өнер техникалық  және кәсіптік білімнің білім беру бағдарламасы 4S0211601-Балет әртісі біліктілігі бойынша оқуға түсушілердің салмағы мен бойының сәйкестік нормасы 1-қосымшада көрсетілген. 

Критерийлердің бірі бойынша «2» балл және әрбір тур қорытындысы бойынша кемінде «8» балл алған оқуға түсуші келесі турға жіберілмейді.

Морфофункционалдық критерийлер бойынша «2» бағасын (2-7 бал)   алған оқуға түсуші келесі турға жіберілмейді.

Академияға қабылдаудың ашықтығын қамтамасыз ету мақсатында конкурстық іріктеу, түсу емтихандары өтетін орындарға бейнебақылау жүйесі орнатылады.

4 сынып оқушыларын оқыту бойынша шарт бір оқу жылына жасалады.

Академияға түсуге кедергі келтіретін аурулардың тізімінде көрсетілген бұрынғы сырқаттар, патологиялық жағдайлар, функционалдық бұзылулар, дене дамуының ерекшеліктері Академияға түсуге кедергі болады (2-қосымша).

Қазақ немесе орыс тілі бойынша емтиханнан кейін  емтихан комиссиясы Қабылдау комиссиясына іріктеу нәтижелері туралы мәліметтерді ұсынады, олардың негізінде Академияға оқуға түсушілер арасында конкурс өткізіледі.  Барлық турлардан өткендердің қатарынан кәсіби қасиеттері және балы аса жоғары үміткерлер таңдап алынады. Конкурстың қорытындылары туралы ақпарат 01 тамызда Академияның ақпараттық стендінде ілінеді және сайтында жарияланады (balletacademy.kz). 

Академияда оқу үшін конкурстан өткендер келесі құжаттарды ұсынады: 

  • Оқуға түсушінің ата-анасының (заңды өкілдерінің) нысаны бойынша Академияға оқуға қабылдау туралы өтініші;
  • ЖСН көрсетілген (қоса берілген) туу туралы куәліктің көшірмесі;
  • Медициналық паспорт (№ 026-у нысан) – түпнұсқа;
  • Медициналық карта (063 нысан – егу картасы) – түпнұсқа;
  • 3×4 көлеміндегі фотоcурет (4 дана);
  • Отбасы құрамы туралы анықтама; 
  • Ата-ананың жұмыс орнынан анықтама;
  • Ата-ананың жеке куәліктерінің көшірмелері;
  • Мекенжай анықтамасы;
  • Есептен шығару талоны; 
  • Үлгерім табелі;
  • Медициналық араласуға ата-аналардың ақпараттық ерікті келісімі;
  • Хабарлама;
  • Фото және бейнетүсірілімге келісім.
  • Білім беру қызметтерін көрсетуге арналған шарт.

Шетелдіктер және азаматтығы жоқ тұлғалар олардың мәртебесін анықтайтын тұратын жері бойынша тіркелгені туралы белгісі бар құжатты ұсынады.

Техникалық және кәсіптік білімнің білім беру бағдарламалары бойынша білім алушылар құрамына қабылдау конкурстық негізде 25 тамыз бен 31 тамыз аралығында өткізіледі.

Білім алушылардың қатарына қабылдауға конкурс өткізу кезінде оқуға түсушілердің балдары тең болған жағдайда, жетім балаларға және ата-анасының қамқорлығынсыз қалған балаларға, үздік білімі туралы құжаты бар тұлғаларға (растайтын құжаттардың негізінде), хореографиялық байқаулар мен фестивальдердің жеңімпаздарына айрықша құқық беріледі.

0211600-Хореографиялық өнер білім беру бағдарламасы 4S0211602-Би ансамблінің әртісі біліктілігі бойынша «Қазақ ұлттық хореография академиясы» КАҚ-на оқуға қабылдау шарттары

Академия конкурстық іріктеу жолымен негізгі орта білім негізінде 0211600- Хореографиялық өнер біліктілігі 4S0211602 – Би ансамбілінің әртісі (оқыту мерзімі 2 жыл 10 ай) оқуға қабылдау жүргізеді.

Түсу емтихандарына негізгі орта білім алған (9 сынып) және мамандандырылған оқу орындарын (хореографиялық училищелер, ұлттық академиялар, сертификатталған хореографиялық мектептер) бітірген тұлғалар жіберіледі.

Мерзімі:

  • құжаттарды қабылдау 20 маусымнан 20 шілдеге дейін;
  • қабылдау емтихандары 21 шілдеден 28 шілдеге дейін;

Академияға түсу үшін  келесі құжаттар ұсынылады: 

  • Академиядағы емтихандарға рұқсат туралы өтініш
  • Жеке куәліктің немесе ЖСН көрсетілген (қоса берілген) туу туралы куәліктің көшірмесі;
  • Негізгі орта білім туралы куәлік және хореографиялық мектепті бітіргені туралы куәлік-түпнұсқа;
  • Денсаулық паспорты (№ 026-у нысан) – түпнұсқа;
  • Амбулаторлық карта ф.112 (емханадан баланың даму картасы) – түпнұсқа;
  • Мектептен медициналық карта (063 нысан – егу картасы) – түпнұсқа;
  • Флюорографиялық суреті бар 086-у нысанды медициналық анықтама (15 жасқа толған тұлғалар үшін);
  • 3×4 көлеміндегі фотосурет (4 дана);
  • Отбасы құрамы туралы анықтама; 
  • Ата-ананың жұмыс орнынан анықтама;
  • Ата-ананың жеке куәліктерінің көшірмелері;
  • Мекенжай анықтамасы.

2020 жылғы қабылдаудың техникалық және кәсіптік білім беру бойынша түсу емтихандарының кестесі

Курс

Тур

Оқыту тілі бойынша емтихан

I

II – мед.комиссия

III

1 курс

22.07.2019 ж/ сағ 9.00 23.07.2020 ж/ сағ 9.00 24.07.2019 ж/ сағ 9.00

27.07.2019 ж/ сағ 10.00

Бірінші шығармашылық емтихан. Емтихан комиссиясы  келесі критерийлер бойынша табиғи қабілеттер мен кәсіби қасиеттердің болуын анықтайды және бағалайды:

  • болашақ әртістің сыртқы келбеті және сахналық келбеті (дененің физиологиялық арақатынасы, сырт келбеті); 
  • аяқтың айналуы;
  • көтерілу;
  • би қадамы;
  • иілгіштік;
  • музыкалық ырғақ;
  • классикалық би экзерсисі: білдек, залдың ортасы, секірулер. 

Медициналық комиссия үміткердің денсаулық көрсеткіштерінің медициналық талапқа сәйкестігін тексереді және дене бітімінің күйін бағалайды:

  • салмақ пен бойдың арақатынасының оның жасына сәйкестігі;
  • отырған кездегі және тұрған кездегі бойының арақатынасы;
  • дене мүсіні (мүсіннің бұзылуының болмауы);
  • табаны (деформацияның болмауы);
  • көздің көруі (ақаудың болмауы);
  • мамандардың жалпы медициналық тексеруі.

Екінші шығармашылық емтихан. Оқуға түсуші ұзақтығы 3 минуттан аспайтын    алдын ала дайындалған биді орындайды. 

Қазақ немесе орыс тілі бойынша үшінші емтихан. Оқыту тілінде тестілеу өткізіледі. 

Түсу емтихандарының нәтижелері емтихан өткен күні жарияланады. Түсу емтихандарын бағалау жүйесі:

 

Дәстүрлі бағалау жүйесі Балдық жүйе Қорытынды
Өте жақсы «5» 25 балл жарамды
Жақсы «4» 17 -24 балл
Қанағаттанарлық «3» 8-16 балл
Қанағаттанарлықсыз «2» 2 – 7 балл жарамсыз

 

Техникалық  және кәсіптік білімнің білім беру бағдарламасы 0211600-Хореографиялық өнер 4S0211601-Балет әртісі біліктілігі бойынша оқуға түсушілердің салмағы мен бойының сәйкестік нормасы 1-қосымшада көрсетілген. 

Критерийлердің бірі бойынша «2» балл және әрбір тур қорытындысы бойынша кемінде «8» балл алған оқуға түсуші келесі турға жіберілмейді.

Морфофункционалдық критерийлер бойынша «2» бағасын (2-7 бал)   алған оқуға түсуші келесі турға жіберілмейді.

Академияға қабылдаудың ашықтығын қамтамасыз ету мақсатында конкурстық іріктеу, түсу емтихандары өтетін орындарға бейнебақылау жүйесі орнатылады.

Академияға түсуге кедергі келтіретін аурулардың тізімінде көрсетілген бұрынғы сырқаттар, патологиялық жағдайлар, функционалдық бұзылулар, дене дамуының ерекшеліктеріАкадемияғатүсуге кедергі болады (2-қосымша).

Барлық емтихандар аяқталғаннан кейін емтихан комиссиясы Қабылдау комиссиясына емтихандардың нәтижелері туралы мәліметтер ұсынады. Оқуға түсушілер қатарынан кәсіптік қасиеттері аса жоғары үміткерлер таңдап алынады.  Түсу емтихандарының қорытындылары туралы ақпарат емтихан өткен күні Академияның ақпараттық стендінде ілінеді және сайтында жарияланады (balletacademy.kz). 

Академияда оқу үшін конкурстан өткендер:

  • Қабылдау туралы өтініш;
  • Медициналық араласуға ата-аналардың ақпараттық ерікті келісімі;
  • Хабарлама;
  • Фото және бейнетүсірілімге келісім;
  • Білім беру қызметтерін көрсетуге арналған шарт.

Шетелдіктер және азаматтығы жоқ тұлғалар олардың мәртебесін анықтайтын тұратын жері бойынша тіркелгені туралы белгісі бар құжатты ұсынады.

Қазақстан Республикасы Білім және ғылым министрінің 2008 жылғы 10 қаңтардағы №8 бұйрығымен бекітілген және “Білім туралы” 2007 жылғы 27 шілдедегі Қазақстан Республикасының Заңына және Қазақстан Республикасы Үкіметінің 2012 жылғы 31 тамыздағы № 1119 қаулысымен бекітілген басқа мемлекеттерде, халықаралық немесе шетелдік оқу орындарында (олардың филиалдарында) білім алғандарға құжаттардың баламалылығын анықтау мақсатында Білім туралы құжаттарды тану және баламалылығы мәселелері жөніндегі халықаралық шарттарға, Қазақстан Республикасының аумағында заңды күші бар Білім туралы құжаттарды тану және нострификациялау қағидаларына сәйкес нострификациялаудан өту қажет.

Барлық емтихандар аяқталғаннан кейін қабылдау комиссиясы конкурстық іріктеу бойынша отырыс өткізеді.

0211600-Хореографиялық өнер 4S0211602-Би ансамблінің әртісі біліктілігі бойынша  білім алушылар құрамына қабылдау конкурстық негізде 25-31 тамыз аралығында өткізіледі.

Білім алушылардың қатарына қабылдауға конкурс өткізу кезінде оқуға түсушілердің балдары тең болған жағдайда, жетім балаларға және ата-анасының қамқорлығынсыз қалған балаларға, үздік білімі туралы құжаты бар тұлғаларға (растайтын құжаттардың негізінде), хореографиялық байқаулар мен фестивальдердің жеңімпаздарына айрықша құқық беріледі.

Яндекс.Метрика