«Өнер» бағыты бойынша оқу-әдістемелік бірлестігі-жобаларды басқару тобының кеңесі
2020 жылдың 21 сәуірінде Т.Қ. Жүргенов атындағы Қазақ ұлттық өнер академиясының базасында Жоғары білім мен жоғары білімнен кейінгі білім республикалық оқу- әдістемелік кеңесінің (РОӘК) оқу-әдістемелік бірлестігінің (ОЖТ) он-лайн кеңесі болды. Осы кеңесте Қазақ ұлттық хореография академиясының бірінші проректоры Б.Н. Нүсіпжанова «Қазақ ұлттық хореография академиясының қашықтықтан оқыту технологиясын іске асыру аясындағы оқу процесінің өзекті мәселелері» атты тақырыпта баяндама жасады.
Баяндамада қашықтықтан оқыту технологиясына жылдам көшу, оқу контенттерін дайындау, қызметкерлер мен оқытушыларға арналған оқыту семинарлары, келе жатқан емтихан сессиясы, қабылдау комиссиясының жұмыстары жайлы сұрақтар нақты айтылды.
