Қазақ ұлттық хореография академиясы Қазақстанның 2019 жылғы ең үздік жоғары оқу орындарының рейтингісіне кірді
Білім беру сапасын қамтамасыз ету жөніндегі тәуелсіз агенттік – Рейтинг (IQAA – Ranking) 2019 жыл бойынша Қазақстанның ең үздік жоғары оқу орындары рейтингісінің нәтижелерін ұсынды.
Өнер саласындағы үздік жоғары оқу орындарының ұлттық рейтингісінің қорытындылары бойынша Қазақ ұлттық хореография академиясы 64,58% баға алып, 2-орынды иеленді.
Ұсынылған рейтинг профессор-оқытушылар құрамы қызметінің сапасын, студенттердің құрамы мен олардың оқу нәтижелерін, жоғары оқу орнының ғылыми және инновациялық қызметін, халықаралық ынтымақтастығын, сонымен қатар сарапшылар мен жұмыс берушілердің беделді бағасын қамтиды.