DIREKT

2018 жылғы 22 қарашада С.Сейфуллин атындағы Қазақ агротехникалық университетінің кітапхана қызметкерлері М.Ахметова, Ж.Оразымбетова және М.Нұралина «DIREKT: Бүкіл өмір бойы оқу және білім экономикасы үшін транс-өңірлік ақпараттық сауаттылықты дамыту» жобасын іске асыру аясында Академия оқытушылары, ғылыми қызметкерлері, магистранттары мен кітапханашылары үшін «Білім беруде және ғылыми қызметте электронды ресурстарды қалай дұрыс қолдану қажет» тақырыбына семинар өткізді.
Тренерлер «Scopus» және «Web of Science» толық мәтінді деректер базаларын пайдаланудың тиімді жолдары туралы айтып берді. Семинарға қатысушылар «Scopus» және «Web of Science» деректер базаларында қызықтыратын ғылыми тақырып бойынша өзекті жұмыстарды іздеу және талдау, ең беделді журналдар мен ұйымдарды қалай табу, жеке жарияланымдар үшін «Scopus» деректер базасына индекстелетін ғылыми журналдарды іріктеу, жарияланымдардан дәйексөз алынуын талдау керек екендігін көрсетті.
Танымал журналда мақала жариялау – өте оңай емес. Журналдардың саны шектеулі, мақалалар қатаң және міншіл түрде рецензияланады, пысықтау және қайта жасау туралы талаптар туындайды, мұны авторлар тым ауыр қабылдайды. Редакторлар мен рецензенттер деректердің нақты болуына ерекше назар аударады. Осылайша, қысқаша мазмұндалатын журналдарда жарияланатын мақалалардың тізімі – бұл зерттеуші жетістіктерінің объективті көрсеткіші.