«Қазақ ұлттық хореография академиясы» КАҚ түлектерінің қауымдастығы (бұдан әрі – Қауымдастық) «Қазақ ұлттық хореография академиясы» КАҚ (бұдан әрі – Академия) түлектерінің ерікті бірлестігі болып табылады.  

Қауымдастықты құрудағы басты мақсат:

  • Академияның беделін арттыру және оның халықаралық деңгейде танылуы үшін түлектердің күш-жігерін біріктіру, Академия бітірушілерінің корпоративтік рухын қолдау;
  • Қауымдастық мүшелерінің арасында байланыс кешенін қалыптастыру;
  • Хореография саласында жоғары білікті мамандарды даярлауға жәрдемдесу.

Қауымдастық қызметінің мәні:

  • Академияға дарынды жастарды тарту;
  • Академияда оқитын талантты жастарды, жас оқытушыларды қолдау;
  • ғылыми бағдарламалар мен жобаларды қолдау және қатысу;
  • Академия дәстүрлерін дамыту және нығайту;
  • тақырыптық кездесулер өткізу;
  • түлектер арасында өзара іс-қимылды ұйымдастыру және дамыту, Академиямен мәдени, шығармашылық және іскерлік байланыстарды қолдау.  

Алға қойған мақсаттарға қол жеткізу үшін Қауымдастық келесі міндеттерді шешеді: 

  • Академияның түлектері, олардың кәсіби мүдделері мен мүмкіндіктері туралы деректер банкін құрады;
  • Академия түлектерінің кездесулерін ұйымдастыруға қатысады;
  • студенттік буын өкілдерінің, Академияның профессор-оқытушылық құрамының сабақтастығын орнатуға ықпал етеді;
  • жастарға кәсіптік бағдар беру, дуальды оқыту, түлектерді жұмысқа орналастыру бойынша жұмысқа көмек көрсетуді ұйымдастырады және Академияға қабылдауды ұйымдастыруға жәрдемдеседі;
  • кәсіби бірлік, тәжірибе алмасу, Қауымдастық мүшелерінің шығармашылық және ғылыми әлеуетін іске асыру мақсатында Академия түлектерін біріктіру үшін қолайлы жағдайлар жасайды;
  • студенттердің кәсіптік даярлығына («дөңгелек үстелдер», конференциялар, практикалар, тағылымдамалар), сонымен қатар студенттермен жүргізілетін тәрбие жұмысына, оның ішінде мүдделер бойынша клубтардың, шығармашылық ұжымдардың қызметіне жәрдемдеседі; 
  • әлеуметтік әріптестікті жолға қою, іскерлік ортаның, билік органдарының, білім беру мекемелерінің, қоғамдық ұйымдардың Академиямен өзара мүдделерін келісу және іске асыруға ықпал етеді; 
  • түлектерді Академия туралы жаңалықтармен және өзекті ақпаратпен хабардар етеді;   
  • түлектердің Академияда алған біліммен қанағаттанушылығын зерделеуге бағытталған зерттеулер жүргізеді. 

Академия түлектері бітірген жылына және мамандығына қарамастан Қауымдастыққа мүше болып табылады. 

Қауымдастық қызметіне жалпы басшылықты Академияның Түлектер кеңесі жүзеге асырады.

Түлектер қауымдастығы кеңесінің мүшелері:

  1. Кусаинов Нурлан – 2017 жылдың түлегі, «Хореография» мамандығы бойынша өнер бакалавры, Қауымдастық Президенті;
  2. Жанмырзаева Хорлан – 2017 жылдың түлегі, «Хореография» мамандығы бойынша өнертану ғылымдарының магистрі;
  3. Аубакирова Сара – «Хореография өнері» мамандығы бойынша колледждің 2018 жылғы түлегі, «Арт-менеджмент» мамандығының студенті.
Яндекс.Метрика