«Қазақ ұлттық хореография академиясы» КАҚ Қазақстан Республикасы Үкіметінің 2015 жылғы 11 наурыздағы № 126 қаулысымен құрылды.

Қазақ ұлттық хореография академиясы – Орталық Азиядағы толық циклді көп деңгейлі кәсіптік хореографиялық білім беретін бірінші жоғары оқу орны.   Жоғары оқу орны келесі білім беру деңгейлерін қамтиды:  бастауыш, техникалық және кәсіптік білім, жоғары (бакалавриат) және жоғары оқу орнынан кейінгі білім (магистратура).

Жоғары оқу орнының негізгі қызметі келесі мамандықтар бойынша кадрлар даярлау болып табылады: «Балет әртісі», «Би ансамблінің әртісі», «Режиссура», «Хореография», «Өнертану» және «Арт-менеджмент». 

Білім алушылар балет өнерінен бірегей тәжірибе жинақтау үшін отандық және шетелдік театрлардың шағын және үлкен сахналық алаңдарында өнер көрсету мүмкіндігіне ие. 

Академияның келешек жоспарында – заманауи оқу-шығармашылық орталық ретінде орнықты даму, Қазақстанның барлық мәдени құрылымдарын кәсіби кадрлармен қамтамасыз ету, әлемнің озық хореографиялық білім беру мекемелерімен белсенді халықаралық ынтымақтастық орнату, халықаралық конкурстар мен жобаларға қатысу тұр.  

Яндекс.Метрика